Өвүр кожуунда «Мөнгүн эки турачылар» клувунуң удуртукчузу, хоочуннарның «Соруктуглар» чөвүлелиниң кежигүнү Галина Тас Ниити-российжи улусчу фронтунуң чарлааны «Автопоезд» акциязынга киржиринче өвүржүлерни кыйгырып турар.
– Тускай шериг операциязында киржип турар дайынчыларга кожууннуң чурттакчы чонунуң мурнундан автомашинаны садып бээри-биле хөй-ниитижилерден бир дугаарынга хоочунувус Галина Монгушовна үлүг-хуузун киирген. «Күш-ажылдың Маадыры» аттың эдилекчизи, кожуунда дузалал станциязының даргазы, хүндүлүг чурттакчывыс Владимир Мончук-Холович Донгак материалдыг дузазын кадып келген.
Кожууннуң чагырга черинде 101 дугаар кабинетте Роза Сат ачы-дуза чыылдазын эгелей берген – деп, Өвүр кожууннуң чагырга даргазының хүлээлгезин күүседип турар Айдыс Куулар дыңнаткан.
Украинаже чорудар автомашиналарны апрель 10-да Абакан хоорайда демир-орук станциязынга чедирер ужурлуг. Улаштыр “Россияның демир-оруктары” акционерлиг ниитилел поездиге чүдүрүп алгаш чоруптар.
Хоочуннар «Автопоезд» акциязынга киржиринче кыйгырган
28 марта 2023
28