Тывада школа назыны четпээн өөредилгениң хуу организациялары күрүнеден дузаламчы-биле 1,5 хардан 3 харга чедир уругларга немелде олуттарны ажыдып ап болур.
«Демография» национал төлевилел чорудуу-биле мөөрей шилилдезинге даянып, 2023 чылда федералдыг бюджеттен субсидияны бээр. Тывада «Өөредилге хөгжүлдези» күрүне программазы хуу уруглар садтарынга 50 олутту немей ажыдарынга 6 сая ажыг рубльди тускайлаан.
Школа назыны четпээн уругларга өөредилге программалары-биле ажылдап турар күрүнениң эвес өөредилге организациялары азы хуу сайгарлыкчылар мөөрей шилилдезинге киржирин Тываның Өөредилге яамызы дыңнаткан.
Назы четпээн өөредилге программазы-биле өөредир чөпшээрелдиң оларда бары – акшаландырыышкынче кордакчыларга кол негелделериниң бирээзи.
Мөөрейге канчаар киржирин, херек документилер даңзызын, чагыг тургузарының негелделерин, мөөрейже киирген чагыгны көөрүнүң чурумун база дүрүмүн https://monrt.rtyva.ru/images/Prikaz39.pdf айтыгдан таныжып болур.
Февраль 14-ке чедир, понедельник-пятница хүннеринде 08.30 шактан 17.30 шакка чедир, бо адресте билдириишкиннерни хүлээп турар: Кызыл хоорай, Ленин кудумчузу, 39 (каб. 301). Харылзажыр телефону – 8 (39422) 6-15-90.
Как отдохнуть 15 дней в майские праздники
Сотрудники могут отдохнуть до 15 дней подряд, если правильно оформить ежегодный отпуск между праздничными и выходными днями.