Россияның Президентизи Владимир Путинниң Чарлыы-биле 2021 чылдың эгезинде “Ачы-буянның дээрбээ” фонду тургустунган. Бо фондунуң кол сорулгазы – ховар, амы-тынга айыылдыг болгаш хоочураан аар аараан уругларга дуза болгаш оларны камгалаары.
''Ачы-буянның дээрбээ'' фондузунуң хайгааралында уругларның саны үш муң ажып турар. Баштайгы чылдың түңнелдери-биле алырга, ховар, амы-тынга айыылдыг болгаш хоочураан аар аараан ийи муң ажыг уругга аар өртектиг эм-таңны саткан. Тывадан алды уруг ачы-дузаны алган.
Бо хүннерде фонд Донецк биле Луганск республикаларның уругларынга эм-таң болгаш медицина херекселдерин чедирип эгелээн.
“Ачы-буянның дээрбээ” фондунуң акша-хөреңгизи чылда беш сая рубльден хөй орулганы ажылдап ап турар хууда хамаатыларның күрүнге киирген үндүрүгнүң акшазындан тургустунуп турарын сагындыраалы.
#Кадыккамгалал #Ачы_буянныңдээрбээ #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
