Инек даштыг Бай-Талымны

Бай-Тайга чогаадыкчы салым-чаяанныг кижилер-биле бай оран. Бай-Тал сумузунуң чагыргазы болгаш культура ажылдакчылары девискээрин чаагайжыдып, инек даштарны солун уткалыг чараш чуруктар-биле каастаан.

Идепкейжилер Бай-Тал сумузунуң адрезин чаартып, даштарга “Инек даштыг Бай-Талымны”, “Мөңгүн баштыг Мөңгүлээмни”, “Кулузуннуг Мешпен-Хөлүм”, “Аржаан суглуг Шивилиимни”, “Эмниг-домнуг Шындазыным”, “Хемчиим бажы Бай-ла-Талым” деп одуругларны бижээн.

Бай-Талдың ортумак школазының чурулга башкызы Менги Чүлдүм чуруктарны чогаадыкчы арга-биле чураан.