Бии-Хем кожууннуң Өөк сумузунда «Инек – чемгерикчи малым» төлевилелдиң 2020 чылдың киржикчилери – үш ажы-төлдүг Чаян биле Олча Дажий-оолдарның өдээнде малының саны элээн өскен. Ийи төрүүр инек, казыра, бир бугажык биле кыс бызаа бар. Малынга немей аъттарны база садып алган.
Дажий-оолдар сумузунда “Артыш” тараачын-арат ажыл-агыйының сүт кылыгларын бүдүрер цегинде ажылдап турарлар. Кышты хүр ажары-биле алды тонна ажыг сигенни белеткеп алган. Чайын малын «Кыштаг» төлевилелдиң киржикчизи – малчын акызының аалынга чайладыр.
Уругларывыс ак чемге дыка ынак болгаш бо-ла кылып бээрин дилээрин өгнүң кыс ээзи чугаалап турар. Олчадан шөйген быштак кылырының рецептизи: изиг суугуга сүттү чылбай кылдыр чылдыр, оон сарыг сугну немей кудар. От-көзүн өйлевишаан, доктаамал оожум былгаар. Ылгалып келген быштакты, базып тургаш, шөйүптер. Олча сүт кылыгларын бүдүрер цехке быштакты белеткеп өөренип алганын чугаалады.
Өөк сумузунуң чагырга даргазының социал политика талазы-биле оралакчызы Чингис Оттукайның чугаалап турары-биле алырга, сумуда «Инек – чемгерикчи малым» төлевилелдиң киржикчилериниң ниити саны – 17 өг-бүле.
Чуруктарны Шончалай Ховалыг тырттырган
В районах Тувы продолжается подготовка к отопительному сезону
В муниципалитетах Тувы продолжается активная подготовка к предстоящему отопительному сезону.