Иван биле Мария Обрезановтар Тывадан барган шериг оолдарны доктаамал деткип турар

Белгород облазының Ровеньки суурдан Иван биле Мария Обрезановтар Тывадан барган шериг оолдарны доктаамал деткип, дүне-хүндүс дивейн оларны уткуп, бажыңынга дыштандырып, эмнелгелерде балыглаткан дайынчыларга ужуражып турарлар.

ТР-ниң Дээди Хуралының Даргазы Кан-оол Даваа Обрезановтар бо удаада госпитальдан балыглаткан дайынчыларны бажыңында хүлээп алганын дыңнаткан.

– Обрезановтарның өг-бүлези демниг болуру, бот-боттарынга дузалажып чорууру кайы хире чугула дээрзин херек кырында көргүзүп турлар. Оларның ачызында дайынчыларывыс дүрген сегип, чонунуң деткимчезин база кɵрүп турлар – деп, ол демдеглээн.

Тускай шериг операциязының эгезинден тура Иван биле Мария Обрезановтар бистиң шериг оолдарывыска болгаш өске-даа дайынчыларга ада-иези дег дузалап, идик-хевин чуп, даарап, ашкарып-чемгерип, сагыш човап, чылыг-чымчак сөстери-биле деткип турар буянныг өг-бүле.