Иван Обрезанов-биле доктаамал харылзаада

Тывадан тускай шериг операциязының киржикчилеринге доктаамал дузалажып турар Белгород областың Ровеньки суурунуң чурттакчызы Иван Обрезанов Тыва Республиканың Дээди Хуралының даргазы Каң-оол Даваа-биле доктаамал видеохарылзааже үнүп турар.

Иван Обрезанов дайынчыларга рациялар чагыткаш, иштинге удуур хаптар болгаш кезек шериг идик-хевин сатканын дамчыткан. Чугаа үезинде Дээди Хуралдың даргазы саткан чүүлдерниң өртээн депутаттар корпузу эгидип бээрин дыңнаткан.

Тыва парламентиниң депутаттары тускай шериг операциязының киржикчилеринге дузаламчы кылдыр ай санында акша-хөреңгини чыып турарын сагындырып каалы. Бо үеде акшаны Иван Обрезановче шилчидипкен.

Чугааның сөөлүнде Кан-оол Даваа Иван Обрезановка деткимчези, дузааргаа болгаш сагыш човаачалы дээш Тываның чурттакчыларының, парламентиниң депутаттарының мурнундан четтиргенин илереткен. База ол ышкаш, кандыг-даа айтырыг-биле дүне-хүндүс дивейн, ол долгап болурун парламентарий немээн.