Тываныӊ кадык камгалал адырынга 250 хире тускай мергежилдиглер чедишпейн турган. Республиканыӊ Чазаа ук нарын айтырыгны шиитпирлээри-биле 2021 чылдан тура дээштиг хемчеглерни ап турар.
«Көдээ черниӊ эмчизи», «Көдээ черниӊ фельдшери» федералдыг программа-биле эмчилерге чаңгыс удаа алыр бир сая рубль төлевирни, чурттаар оран-саваны, ажы-төлүн уруглар садынга тургузар, коммунал ачы-дуза хандырылгалар өртээн төлээр чиигелделерни берип турар. Шак бо хемчеглер үре-түӊнелдиг болган. Тывага 2021 чылда – 34, 2022 чылда – 56 эмчи катап чедип келгеш, ажылдай берген.
Амгы үеде ортумак российжи деӊнел-биле алырга, республика эмчилер-биле хандыртынган-даа болза, көдээ суурларда тускай угланыышкын-биле ажылдаар эмчилер чедишпейн турар хевээр.
