«Көдээ черниң башкызы» федералдыг программаны 2030 чылга чедир узаткан

Россияның Президентизи Владимир Путин «Көдээ черниң башкызы» программа хереглелдиг болганда, ооң күүселдезин 2030 чылга чедир узадырын дыңнаткан.

Аныяк башкыларга ийи сая рубльдиң эге капиталын бээринден аңгыда, оларның өг-бүле кежигүннеринге чурттаар чер болгаш амыдырал айтырыгларын шиитпирлээринге дузалажыр херек деп, Президент демдеглээн.

Тывага «Көдээ черниң башкызы» программа боттанылгазы-биле 49 башкы көдээ черлерге ажылдаар дээш көжүп, бир сая рубльдиң деткимчезин алган. Бо чылын 13 башкы күрүне деткимчезин алырын Тываның Баштыңы Владислав Ховалыг дыңнаткан.

Тываның Баштыңы көдээ школаларда башкы хостуг олуттарын бедик мергежилдиг тускай мергежилдиглер-биле четчелээринге федералдыг деткимче дузалыг болурун айыткан.

Эрткен чылын федералдыг деткимчени үш сан башкызы, сан болгаш физика, англи дыл, химия, орус дыл болгаш литература база эге класстар башкызы, шупту сес кижи алгаш, Чөөн-Хемчик, Өвүр, Бии-Хем, Сүт-Хөл, Улуг-Хем, Эрзин, Тожу болгаш Мөңгүн-Тайга кожууннарның ыраккы суурларында ажылдап турар.