Бо чылын Тывага көдээ черлерже ажылдап чоруп турар 30 эмчи “Көдээ черниң эмчизи” программага киржип, бирден ийи сая рубль түңнүг шүүдел акшаларны алырын ТР-ниң Кадык камгалал яамызы дыңнаткан.
Ол ышкаш ортумак эмчи билиглиг “Көдээ черниң эмчизи” программаның киржикчилери база бир сая рубль хемчээлдиг деткимче төлевирни алыр. Оон аңгыда, эмчилерни деткиириниң программазын таварыштыр тоң хереглелдиг 10 специалист бир-бир сая рубльди алырлар. Программаже эрткен чылын бактаап киргеннер-биле кады беш чылдың дургузунда 200-200 муң рубльди 159 эмчиге төлээр.
Эрткен чылын планга дүүштүр “Көдээ черниң эмчизи”, “Көдээ черниң фельдшери” программага 30 тускай мергежилдиг киржип тургаш, Тываның Кадык камгалал яамызының дилээ езугаар республикага 31 немелде үлүгнү берген. Шак ынчаар, бүдүн чылдың дургузунда ук программаның иштинге Тываның суурларынче болгаш бичежек хоорайларынче 61 тускай мергежилдигни чоруткан.
Кадык камгалал яамызының оон ыңай дыңнатканы болза, республиканың Чазааның деткимчези-биле 2021-2023 чылдарда ажыл-биле хандыртынган 15 эмчиге 200 муң рубльди тус-тузунда төлээр, ындыг саң-хөө дузазын олар беш чылдың дургузунда алырлар. Ук төлевир алыкчыларының санында чеди кижи өске регионнардан келген, алдызы ординатура, ийизи специалитет дооскан.
Жители Тувы стали больше сберегать
В марте в Сибири приток средств населения на вклады обеспечили высокие ставки. Банки сообщают о большом количестве переоформлений вкладов на новый срок.