Тываның Өөредилге яамызы “Көдээ суурнуң башкызы” федералдыг программадан бир сая рубльдиң чаңгыс катап хары угда бээр компенсация төлевирин алыр эргелиг башкыларның, киржикчилерниң төнчү даңзызын июль 20-де бадылаар.
“Өөредилге хөгжүлдези” федералдыг күрүне программазы-биле бо чылын Тывага дараазында Бай-Тайганың Шуй, Барыын-Хемчиктиң Хөнделең биле Дөң-Терезин, Чөөн-Хемчиктиң Хөндергей биле Ийме, Каа-Хем кожууннуң Бүрен-Аксы, Кызыл кожууннуң Терлиг-Хая, Өвүрнүң Ак-Чыраа, Бии-Хемниң Тарлаг, Сүт-Хөлдүң Алдан-Маадыр, Таңдының Кочетов, Тес-Хемниң Үү-Шынаа, Тожунуң Адыр-Кежиг биле Ырбан, Улуг-Хемниң Иштии-Хем, Чаа-Хөлдүң Ак-Дуруг, Чеди-Хөлдүң Элегес база Эрзинниң Качыкта хостуг 18 олутка дээш төлевир акша-хөреңгизин тускайлаан.
“Көдээ суурнуң башкызы” программага киржир күзелдиг башкылардан билдириишкиннер хүлээп алыышкыны апрельде доозулган. Майда киржикчилерниң документилеринге демдектерни салып, рейтингини тургускан соонда, программаның тиилекчизинче кордакчылар билдинген.
РФ-тиң Президентизи Владимир Путин 50 муң четпес чурттакчылыг көдээ суурлар база хоорай школаларында бедик мергежилдиг кадрларның чедишпезин шиитпирлээр сорулга-биле “Көдээ суурнуң башкызы” программаны боттандырарын саналдап үндүргенин сагындыраал.
Өске суур азы регионче көжеринге чөпшээрежип, тускай шилилдени эрткен башкы тус черниң школазынга ажылдай бергеш бир сая рубльдиң, Ыраккы чөөн чүк федералдыг округда ийи сая рубльдиң чаңгыс катап хары бээр компенсация төлевирин алыр. А ол акшаны кандыг-даа сорулгага ажыглап болур.
#Өөредилгеяамызы #Көдээсуурнуңбашкызы #Федералдыгпрограмма #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
Подростки в Туве смогут зарабатывать на карманные расходы в свободное время
Минтруд Тувы сообщил, что подростки в возрасте 14–18 лет смогут заработать на карманные расходы в свободное от учебы время.