Бөгүн Каа-Хем кожууннуң культура хөгжүлдезиниң төвүнге «Көк буга» деп шиини көргүзер. «Пушкин картазының» эдилекчилери тыва улустуң тоолунга үндезилеп тургускан шиини сонуургап көөр аргалыг.
Тывада он муң ажыг өөреникчи болгаш студент пушкин картазын ажыглап турар. Күрүне чылдың-на январь 1-де, программа ажыглакчызы аныяк кижи 23 хар четкижеге чедир, пушкин картазынче акшаны шилчидер. Ук акша-хөреңги-биле музейлерде, театрларда, кинотеатрларда, филармонияларда болуп турар солун оюн-көргүзүглүг хемчеглерни база делгелгелерни көрүп болур.
Күрүнениң картаже шилчиткен акшазын чыл төнчүзүнге чедир чарыырын сагындыраал. Пушкин картазы-биле чүгле чурттап турар регионунда эвес, Россияга аян-чорукчулап чорааш, хемчеглерни көрүп болур.
«Пушкин картазы» федералдыг программаның кол сорулгазы – өзүп олурар салгалдың культурлуг деңнелин бедидип, российжи, делегей культуразын база уран чүүлүн өөрениринче уругларны болгаш аныяктарны хаара тудары.
Улуг-Хемский район готовится принимать детей республики в рамках летней оздоровительной кампании
В Туве продолжается подготовка к детской летней оздоровительной кампании. Например, в лагере «Чорудаа» Улуг-Хемского района начался ремонт.