Кызылдың хүндүлүг чурттакчызы, хоочун журналист, чогаалчы Кара-Күске Күнзекович Чооду мооң мурнунда частың болгаш күш-ажылдың байырлалын канчаар эрттирип турганын @tmgnews17 корреспондентизи-биле үлешкен.
– Шаанда Май 1 байырлалын канчаар эрттирип турганын сактып олурдум. Мооң мурнунда 1940-1950 чылдарда аъттарлыг, тевелерлиг чыскаал эртип турган. 1960 чылдарда мөге салып турган улустарны сактып тур мен. Арат шөлүнге асфальт чок турар шагда, 1954 чылда, парк аксындан эгелээш, көвүрүгге четкеш, дедир маңаа кээп маңнажып турдувус. Ол үеде тускай кедип алыр идик-даа чок, кым кандыг идиктиг болурул, сапоктуг-даа маңнажып турган бис.
Чыскаалга чадаг-тергелиг-даа, мотоциклдиг-даа улус киржип турган. Салчак Тока дарга Дээди Хуралдың балконунга үнүп келгеш, чыылганнарга байыр чедирер чүве. Эртен эрте улус чыглып кээр, 8-9 шак үезинде кудумчуларны дуглаптар турган. Организация бүрүзү шупту ыяап-ла киржир. Ынчангаш улус төп кудумчуларга сыңышпайн баар.
Байырлыг чыскаал соонда лозунгуларны, баштыңнарның чуруктарын ажылдаар черге хүлээдип берипкеш, улаштыр байырлаар турдувус.
Тайбың! Күш-ажыл! Май! Байырлал-биле!
#Май1 #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
Четыре бойца из Тувы приняли участие в первичном отбора программы «Время героев»
«Время героев» – это программа кадровой переподготовки для участников специальной военной операции.