Россияның кеземче күүселдезиниң Тывада эргелели тускай федералдыг программа езугаар ажылды чорудуп турар.
Кызыл-Мажалык суурнуң чурттакчызы Аянды Ооржак күрүне деткимчезин алганын чагырга чери дыңнаткан. Ол социал ижигиишкин угланыышкынының талазы-биле программаның киржикчизи.
Аянды Ооржак социал керээге үндезилээн күрүне деткимчезиниң ачызында тыва национал хеп болгаш идиктер даараарынга херек дериг-херекселдерни садып алган. Эгелеп чоруур сайгарлыкчы бодун ажыл, орулга-биле хандыртынып ажылдай берген.
Ажыл-херээн ажыдып алыр күзелдиг улус чурттап турар чериниң аайы-биле Чонну ажылга хаара тудар төпче кээп болурун сагындыраал.
Кызымаккай кижилерге амыдырал-чуртталгазын экижидип ап болурунга дээштиг дуза – социал керээге үндезилээн күрүне деткимчези дээрзин арга-дуржулга көргүскен.