Күрүне Думазының депутады фронтучуга Чаа чыл уткуштур байыр чедирген

Күрүне Думазының депутады Айдын Сарыглар Ада-чурттуң Улуг дайынының хоочуну Кирилл Иванович Марковтуң бажыңынга аалдап четкеш, “Чаа чыл-биле, хоочун!” деп бүгү-российжи ачы-дуза акциязынга катчып, фронтучуга Чаа чыл база Рождество уткуштур байырын чедирген.

Депутат Ада-чурттуң Улуг дайынының хоочунунга кадыкшылды, узун назынны, аас-кежикти күзээш, “Чаңгыс демниг Россия” партиязының мурнундан Чаа чылдың белээн сөңнээн.

Тозан үш харлыг Кирилл Ивановичиниң назы-хары улгады-даа берген болза, фронтучу сергек хевээр болгаш кадыкшылының байдалы эки дээрзин депутат дыңнаткан.

“Чаңгыс демниг Россия” политиктиг партияның чарлааны “Чаа чыл-биле, хоочуннар” деп ачы-дуза акциязы үш дугаар чыл уламчылап турар.