Көвүрүг кежиглерниң тудуун хынап көрген

Бай-Тайга кожууннуң чагырга даргазының хүлээлгезин күүседип турар Аржан Хертекке удурткан ажылчын бөлүк Кара-Хөл сумузунче социал объектилер болгаш көвүрүглерниң байдалын хынап көргенин чагырга чери дыңнаткан.

Алаш хемни кежир көвүрүгнү Ак-Довурактың орук септелге-тудуг эргелели Кара-Хөл сумузунуң эр улузу-биле кылып доозуп турарлар.

Арамай көвүрүүн чазын улуг суг алгаш барган турган. Хууда сайгарлыкчы У.А. Иргит боду чарыгдалды үндүргеш, сумунуң идепкейжи чону-биле көвүрүг кежииниң тудуун кады доосканнар.