«Транспорт сервизи болгаш төлевилел» күрүнениң унитарлыг бүдүрүлгези Каа-Хем кожуунче сес куб бок сыңа бээр бункерлерни чедирген. Кожууннуң чагырга чериниң удуртулгазы ук бункерлерни сумулар аайы-биле хуваар.
Чаа регион оператору Каа-Хем кожууннуң девискээринде бок төгеринге көрдүнмээн черлерде овааланы берген бок-сакты болгаш бок чыылган черлерни аштап, үстүрген. Ук ажылдарже чеди кезек техниканы хараа туткан.
Бункерниң ишкири сес бок төгер контейнер хире хемчээлдиг. Бо чылын республиканың девискээринге 165 бок төгер бункерни тургузары планнатынып турарын ТР-ниң Чуртталга коммунал ажыл-агыйының яамызы дыңнадып турар.
Бок төгеринге көрдүнмээн черлерге бокту мөөңнеп, чыгганы дээш административтиг торгаалды онаары көрдүнгенин сагындыраал.
