«Транспорт сервизи болгаш төлевилел» күрүнениң унитарлыг бүдүрүлгези Каа-Хем кожууннуң девискээринде бок төгеринге көрдүнмээн черлерде овааланы берген бок-сакты болгаш бок чыылган черлерни аштап, үстүрүп эгелээн.
Чаа регион оператору Сарыг-Сеп, Дерзиг-Аксы, Бүрен-Хем, Суг-Бажы, Бүрен-Аксы сумуларында бок шыва ала берген черлерни аштап арыглаар ажылдарны чорудар.
Бо хүннерде Сарыг-Сеп сумузунуң кудумчуларында ажылдар эгелээн. Бокту аштап арыглаарынче чеди кезек техниканы хараа туткан. Ук ажылдарны апрель 30-ге чедир доозары көрдүнген.
Каа-Хем кожууннуң чагырга чери чурттакчы чонну бок төгер чурумну сагып, ажылдакчыларның күш-ажылын үнелеп, арыг-силиг болурунче кыйгырган.
Бок төгеринге көрдүнмээн черлерге бокту мөөңнеп, чыгганы дээш административтиг торгаалды онаары көрдүнгенин сагындыраал.
Чаагайжыдылга болгаш санитарлыг арыглаашкын айында республиканың бүгү суурлары болгаш хоорайларында субботниктер неделя санында болуп турар.
Сарыг-сепчилер Каа-Хемниң эрик кыдыының девискээрин боктан аштаан. Ильинка сумузунуң чурттакчылары, албан черлериниң ажылдакчылары, школачылар “Арыг суур” акцияга катчып, хөй-ниити чыглыр черлерни болгаш бажыңнар чанының участоктарын демнии-биле аштап арыглааннар. Машина-техникалыг эр улус чыгган бокту сумудан үндүр сөөрткен.
В Бай-Тайгинском районе прошло чествование юных сумоистов
В актовом зале Администрации Бай-Тайгинского района прошло чествование юных сумоистов, достигших высоких результатов на соревнованиях в городе Казани.