В.Көк-оол аттыг Национал хөгжүм-шии театрынга Ада-чурт камгалакчызының хүнүн уткуштур болган байырлыг хуралынга Каа-Хем кожууннуң хүндүлүг хамаатызы, Бүрен-Хем сумузунуң 95 харлыг өгбези, тылдың ишчизи Ончумаа Шарайбановна Ондрун киришкенин чагырга чери дыңнаткан.
Тываның Баштыңы Владислав Ховалыг тылдың ишчизинге “1941-1945 чылдарда Ада-чурттуң Улуг дайынынга Тиилелгениң 80 чылы” юбилейлиг медальды тывыскан.
Ончумаа Шарайбановна 1930 чылдың февраль 23-те Бүрен-Хемниң "Хүн көрбес" деп черге хөй ажы-төлдүг малчын өг-бүлеге төрүттүнген. Дайын чылдарының үезинде бичии Ончумаа ачазынга школа тудуунга дузалажып турган. Ол үелерде улуг-биче улус, Тиилелгени чоокшулаштырар дээш, дүн-хүн чокка ажылдап турганын билир бис.
Ондруннарның өг-бүлези чеди ажы-төлдү өстүрүп кижизиткен. Өгбелер хөй санныг уйнуктарының ынак кырган ада-иези. Күш-ажылдың хоочуну бүгү назынында төрээн «Бурунгаар» колхозунга ажылдап, бараан болган. Хөй чылдарда үре-түңнелдиг ажылы дээш медальдар болгаш хүндүлел бижиктер-биле шаңнаткан.
РФ-тиң Президентизиниң даалгазы езугаар Ада-чурттуң Улуг дайынының хоочуннары болгаш тылдың ишчилери – Георгий Васильевич Абросимов, Кирилл Иванович Марков, Валентина Федоровна Зябрева, Нина Петровна Демихина, Дарый-оол Пельджуевич Ооржак база юбилейлиг медальдарны алган.
Тывада Ада-чурттуң Улуг дайынының хоочуннары болгаш тылдың ишчилери Тиилелгениң 80 чылынга тураскааткан федералдыг төлевирлерден аңгыда, республика бюджединден 50 муң рубльди немей алыр дугайында чарлыкка Тываның Баштыңы атты салган.
ТР-ниң Күш-ажыл яамызы дыңнатканы-биле алырга, Тываның 53 чурттакчызы ол төлевирни алыр. Оларның үжү Ада-чурттуң Улуг дайынының киржикчизи, бирээзи концлагерь хоругдаттырыкчызы, 27 кижи тылдың ишчизи база 21 кижи чок болган фронтучуларның өөнүң ишти.
Тиилелгениң 80 чылынга тураскааткан төлевирни алыр эргелиг кижи бүрүзү ону байырлал мурнунда – апрель 20-ге чедир алган турар ужурлуг. Хоочуннар ук төлевирни алыр дээш, кайнаар-даа билдириишкин биживес. Тываның чазаа бюджеттен 2,65 сая рубльди ол сорулгага тускайлаан.
Глава Тувы проинспектировал строительство жилищных комплексов в Кызылской агломерации
Сегодня Глава Тувы Владислав Ховалыг проинспектировал строительство социальной инфраструктуры и жилых комплексов в рамках масштабных инвестиционных проектов в Кызылской агломерации.