Чаа-Хөл кожууннуң административтиг комиссиязы Ак-Дуруг сумузунуң девискээринде малчын аалдарны эргий кезээнин чагырга чери дыңнаткан.
Ажылчын бөлүк көдээ ишчилерни мал-маганын одарже хайгаарал чок үндүрбезин, база үлүгже харысаалгалыг кадып, уткуп ап турарын сагындырып, тайылбыр ажылын чоруткан.
Мал-маганны дүне-даа, хүндүс-даа хайгаарап көрбейн, аал коданыныӊ, суурунуӊ чоогунга одарладыры – оор чоруктуӊ кол чылдагааны. Малдыӊ ээлери боттарыныӊ хуу өнчүзүн камнап кадагалаары дээш сагыш човап, харыысалгалыг болурун утпазы чугула.
Комиссиязы кежигүннери тайылбыр ажылындан аңгыда, малды оорлардан камгалаарының дээштиг аргаларын база таныштырган. Амгы үениң бир идегелдиг аргазы – демдектээн мал-маганны «чурагайлыг паспорту» таварыштыр тып алыры.
Бир эвес үстүнде айытынган чуулдер сагыттынмайн турар фактылар илереттинип келзе, малдың ээзинге хамаарыштыр административтиг протоколду тургузуп, торгаалга онаарын база катап сагындырган.
Кадат чок одарлап чоруур мал автооруктарга айыылдыг озал-ондактыг байдалды тургузуп турар болганда, малчыннар боттарыныӊ харыысалгазыныӊ дугайында уптайн, сактып бодап чоруур ужурлуг.