Россияның шупту регионнарын ынаар киржиринче чалаан. Кадрлар айтырыгларын сайзыраңгайжыдып база боттандырып турар командалар төлевилелдерче чагыгны киирип болур.
Москваның Чазаа «Кадрда» деп күрүне секторунда кадрлар удуртур адырда шаңналдың ийиги сезонунче кирген. Бо мөөрей – чылдың-на эртип турар чаартылгалыг HR-практикаларының удур-дедир солчулга шөлчүгежи-дир. Москваның мэриниң шиитпири-биле ону доктааткан болза, а Москва Чазааның кадрлар сервизиниң эргелел командазы организастап эрттирер.
2026 чылдың апрельдиң 8-тен июль 19-ка чедир билдиришкиннерни хүлээр. Тиилекчилерни халас өөредилге, ол ышкаш акша шаңналдары манап турар.
Мөөрей күрүне адырының хөгжүлдезинге улуг үлүг-хуузун киирип, хоорай болгаш чурттуң хөгжүлдези дээш ажылдаарынче чүткүлдү оттуруп, ажылдакчыларын сайзыраңгайжыдып чоруур төлевилелдерни хүлээп алыр. Корпоративтиг ИТ шиитпирлер, иштики коммуникация шугумнары, стажировка программалары, команда хемчеглери азы 2025 чылда боттандырган азы чугула үре-түңнелдерни көргүскен өске-даа HR-хемчеглер аңаа киржип болур.
«Эрткен чылын бир дугаар HR-премияны эрттиргеш, бүгү чуртта талантыларны уштап-башкарарының кайы хире күштүг шиитпирлери барын көрдүвүс. Олар чүгле улуг федералдыг болгаш регионалдыг организацияларда эвес, а тус черниң бичии командаларында безин бар. 2026 чылда ийиги сезонну эгелеп, аңаа иштежилер-биле кады ажылдажылгавыс уламчылаар бис. Кадрлар ажыл-чорудулгазының көскү үре-түңнелин чедип алыр сорулгалыг арга-дуржулгаларны дилеп тып, чырыдып, команда база специалист бүрүзүнче кичээнгейни болгаш сагыш човаашкынны угландырар бис» – деп, Москваның Чазааның кадрлар сервизизиниң эргелел начальниги Полина Логинова демдеглээн.
Федералдыг албан черлер, регионалдыг командалар база Москваның эрге-чагырга органнары болгаш организациялары деп үш бөлүкке тиилекчилерни илередир. Дөрт кол бөлүкке төлевилелдерни үнелээр: «Чедимчелиг кадрның чажыды: хаара тудары», «Кадрда: кичэнгейни алыры», «Салым-чаяанныглар академиязы: сайзырал» база «Чаа көрүш: HR-чаартылгалар». Бо чылын чамдык угланыышкыннарга (чижээ, туризм адыры азы ажылчын мергежилдерге тураскааткан) элээн каш тускай номинацияларны немей киирген.
60 команда финалче кирер. Күрүне секторундан база бизнестен эксперттерден болгаш шылгараңгай удуртукчулардан тургустунган жюри 24 лауреатты болгаш 12 тиилекчини шилип үндүрер. Премияның сайтызынга эң эки төлевилелдерни парлаар. 2026 чылдың октябрьда шаңналдарны тыпсыр.
«Кадрда» премия – адырның чылдың эртер улуг хемчээлдиг хемчээ. Ол күрүне секторунда болгаш бүгү чурттуң деңнелинде HR эрге-байдалын бедидеринче угланган чугула шиитпирлерни илередип турар. Бирги сезон тиилекчилерни шаңнаан езулал-биле доозулган. «Синема Парк Мосфильм» шөлүнге ол 2025 чылдың октябрь 3-те болуп эрткен.
Хемчегниң дугайында vkadre.mos.ru сайтыдан тодаргайы-биле билип ап болур.