Россияның суг курлавырларының агентилели Тывада камгалал чал тудуун доозарынга 200 сая рубльди үндүрген. ТР-ниң арга-арыг болгаш бойдус ажыглалының сайыдының оралакчызы Алексей Арчимаев, инженерлиг камгалал объектизинде тудуг ажылдары графиктен мурнай чоруп турарын көргеш, Федералдыг суг курлавырларының агентилели бо чылын тудугга немелде акшаландырышкынны үндүрер шиитпирни хүлээп алганын дыңнаткан.
– Бо объектиде ажылдар 2022-2023 чылда доостур ужурлуг. Ынчалза-даа бо чылда көрдүнген тудуг ажылдары мурнады чоруп, 266 сая рубльди шиңгээдипкен болганывыста, 2023 чылдың акшаландырыышкынын 2022 чылче шилчидип бээр дилегни Россугкурлавырынче киирген бис – деп, оралакчы сайыт чугаалаан.
РФ-тиң Чазааның даргазы Михаил Мишустин Комсомольск-Амурда Силинги хемниң эриинге инженерлиг камгалал тудуу графиктен үнгени-биле, Хабаровск крайда объектиниң 202,1 сая рубльди Тыва Республикаже шилчидер дугайында чогуур айтыышкынга атты ноябрь 1-де салган.
Кызылдың барыын талазында камгалал чалды төндүр тударынга Тыва немей 200 ажыг сая рубльди алыр. Акшаландырыышкын кирип кээрге-ле, тудуг черинде дораан шилчидер деп, Алексей Арчимаев дыңнаткан. Камгалал чалдың тудуун бо чыл төнчүзүнге чедир доозуптарын яамы планнаан.
Часкы үерлээшкин база чайгы база күскү суггур чаъстар үезинде бо-ла сугга алзыптар Кызылдың барыын талазынга камгалал инженер тудуу чоруп турарын сагындыраал. 2001, 2004, 2006, 2010 база 2021 чылдарда ол район эң улуг үерлээшкинге таварышкан.
Улуг-Хемниң эриинде беш километр черде камгалал чал муң хире бажыңнарны, уруглар садын база школаны, Тываның күрүне университединиң Ботаниктиг садын, өөредилге-дуржулга шөлүн база лабораториязын сугдан камгалаар. Тускай мергежилдиглерниң санааны-биле алырга, бойдустуң халавы 700 сая рубльге каражаны чедирип болур.
Улуг-Хемский район готовится принимать детей республики в рамках летней оздоровительной кампании
В Туве продолжается подготовка к детской летней оздоровительной кампании. Например, в лагере «Чорудаа» Улуг-Хемского района начался ремонт.