Сүт-Хөл кожууннуң девискээринде часкы хову ажылдарынга белеткел ажылдары кидин түлүк уламчылап турарын чагырга чери дыңнаткан.
Дыштаныр хүннерде Кара-Чыраа сумузунуң чагырыкчызы Ай-Херел Ондар суурнуң идепкейжи эр улузун эвилелдеп, Ак суггарылга системазынга чедип, буга дөстерин аштап арыглаар ажылдарны эгелээн.
Суггаты шын, шынарлыг чорударынга, сугнуң херек черлерже доктаал, моондак чокка элбээ-биле келиринге эргежок чугула дээрзи билдингир.
Бо-ла суг бугалары дамчыштыр суг Кызыл-Тайга сумузунуң девискээринче дамчыыр, ынчангаш ол суму база белеткел ажылдарын чорудуп турар.
Эки шынарлыг суггат – эки дүжүттү магадылаар.