Карак чивеш аразында

Россияның Онза байдалдар яамызының Тывада Кол эргелелиниң биче хемчээлдиг хемелер талазы-биле күрүне инспециязының медээзи-биле алырга, сугга эштир үеден тура республикага үш уруг сугга дүшкен.

Камгалакчылар Улуг-Хемниң эрик шугумун дургаар рейдилерни доктаамал чорудуп турар. Улустуң суг объектилеринге айыыл чок чоруун хандырар сорулга-биле, эрик кыдыынга эзиртир суксуннар ижери хоруглуг, улуг кижилерниң хайгааралы чокка назы четпээн уругларның эрикке турарын болдурбас.

Уруг-дарыының сугга ойнаарын болгаш эштирин карак салбайн хайгаараарын ада-иелерге база катап сагындырып каары артык эвес. Оларны доктаамал хайгааравас болза, айыыл-халап карак чивеш аразында болуп болурун утпазы чугула.