Каткылыгда каткы-хөглүг оюн-тоглаа

Шекпээрниң Каткылыг девискээриниң малчыннары Шагааны Аяс биле Рада Ооржактарның кыштаанга оюн-тоглаалыг, каткы-хөглүг эрттиргеннер.

Эрес-кежээ, мал-маганы сүр-менди малчыннарның аалчылары сумунуң чурттакчылары, Барыын-Хемчик кожууннуң удуртулгазы, тус чер хуралдарының депутаттары, чоок кижилери, төрелдери болган.

Көдээ аалда Шагааның хүндүлүг аалчыларының бирээзи Дээди Хуралда хораа даргазы Алдын-Кыс Конгар болган. Аңаа «Барыын-Хемчик кожууннуң хүндүлүг хамаатызы» медальды тывыскан. Депутат малчыннарга Шагаа байырлалының чылыг-чымчак сөстерин йөрээгеш, белек-селектерни алгап тургаш сөңнээн.

Чыылганнар малчын аалга сеткил хандыр Шагаалап: аъш-чемниң дээжизин чооглап, тыва оюннар ойнап, ырлажып, кожамыктап, хөөрежип сеткил ханганнар. Оларның каткы-иткизи Каткылыгга үр-ле чаңгыланып артар.