Кажан-даа холун сула салбас

1960 чылдарның эгезинде Кызылга чоорганнар даараар, аъш-чем сугар саазын саваларны хырбалаар улуг эвес бүдүрүлге цеги ажылдап эгелээн.

1970 чылда Кызылдың караа көрбестер ниитилелиниң бүдүрүлгези ажыттынган. Аңаа көөрү багай харык шинээ кызыгаарлаттынган кижилер ажылдап эгелээн. Ында амга дээр Андрей Безносов ажылдавышаан хевээр.

Бүгү-россияның караа көрбестер ниитилелиниң найысылалда бүдүрүлгезиниң ажылдакчылары республиканың чурттакчыларын эки шынарлыг, чүгээр өртектиг пөс-таавы, кудустар, чоорганнар, хол-хаптар, хептер, сыртык, чоорган хаптары дээш өске-даа барааннар-биле хандырар дээш ак сеткилдиг ажылдап турар.

Ниитилелиниң кежигүннери, хоочуннары амыр эвес салымга таварышкан-даа болза, кажан-даа холун сула салбайн, Россия болгаш республика чергелиг аңгы-аңгы хемчеглерге идепкейлиг киржип турарлар.