Тес-Хем кожууннуң Чооду Кара-Күске аттыг уругларның төп ном саңынга кажык-биле аът чарыштырар оюн болуп эрткен.
Кажык-биле аът чарыштыргаш, бирги черни Самагалдайнын 1 дугаар ортумак школазынын бешки классчызы Кежиктиг Шалык чаалап алган. Ийиги, үшкү черлерге Самагалдайнын 2 дугаар школазының бешки классчызы Дмитрий Тараачы болгаш дөрткү классчызы Долаан Самбук төлептиг болган.
Сумунуң школачылары хостуг үезинде кажык-биле аът чарыштырарынга ынактар.
