Келин болуру – кежик-чол-дур

Россияның болгаш Тыва Республиканың алдарлыг башкызы Анна Ооржактың Өг-бүле чылынга болгаш Иелер хүнүнге тураскааткан «Чааваларым, кенээттерим» деп номунуң «Келин болуру – кежик-чол-дур» деп төгерик ширээге ажык чугаа болуп эрткенин Национал школа хөгжүдер институт дыңнаткан.

Хемчегге херээжен кижиниң өг-бүлеге хүлээлгези, келин дилээриниң езу-чаңчылдары, келин кыстың хевиниң каасталгалары, келин кыс биле кунчуунуң аразында найыралының дугайында айтырыгларны чугаалашкан.

Тываның В. Көк-оол аттыг национал хөгжүм-шии театрының артистери Олег, Саяна Саттар, интернационал өг-бүле Цэцэнделгер Тэгшээ, Елена Куулар, Таңды кожууннуң тыва дыл башкылары болгаш өскелер-даа боттарының келиннеп кирип чораан сактыышкыннарын чыылган чонга сонуургатканнар.

Национал школа хөгжүдер институт номнуң авторунга, үнелеп четпес ажылы дээш, четтиргенивисти илереткен.