2022-2023 чылгы кышкы одалга сезонунга белеткел ажылдары кожууннарда кидин түлүк чоруп турар.
Тере-Хөл кожууннуң чагырга даргазының хүлээлгезин күүседип турар Тумен Ховалыг кожуунда кышкы одалга сезонунга белеткел ажылдарының дугайында @tmgnews17 таныштырган.
– Тере-Хөл кожуунда муниципалдыг албан черлери 2022-2023 чылгы одалга сезонунга белеткелин апрель айда дооскан. Кожууннуң социал албан черлериниң келир часка чедир оттулар ыяжының курлавыры четчир.
Чагырга чериниң котельнаязының печказында хоорза чарылган. Ону чамап, септеп-даа алырга, өске эргижирээн хоорзалар база чарлып болур. Ынчангаш Кызылда токпак-биле одаар печка кылыр тускай мергежилдиг хууда сайгарлыкчыга чаа печканы кылдыртып, чаа хоорзалар-биле солуур бис. Ук ажылды июль айда доозуптар. Чыккылама соок үеде онза байдалды болдурбазы-биле, кышка ыяк белеткенгени дээре.
Одалга системазынга херек беш насосту (школага үш, уруглар садынга болгаш уран чүүл школазынга бир-бир) садар бис. Балыктыг, Шынаа, Каргы, Эми сумуларында база оттулар ыяшты курлавыры четчир.
Келир часка чедир оттулар ыяш курлавыры четчир
13 июля 2022
66