Россияның Президентиниң эгелекчи саналы база РФ-тиң Чырыдыышкын яамызының күүселдези-биле, школаларга капитал септелгениң федералдыг программазын боттандырар. Бо чылын республиканың 27 школазы капитал септелгени чорудар ужурлуг.
Мөңгүн-Тайга кожууннуң Мугур-Аксы суурда, 1938 чылда туткан 1 дугаар 1 школа бо чылын үндезин септелгеже кирген ниити өөредилге черлериниң бирээзинге хамааржыр. Бөгүн ында 500 хире көдээ оолдар, уруглар өөренип турар. Кожуунда дөрт школа бар, бирээзи Тоолайлыгда эвээш өөреникчилиг школа.
Тыва Республиканың өөредилге сайыды Алексей Храмцов ыраккы Мөңгүн-Тайга кожуунга чедип, кожууннуң болгаш школаның удуртулгазы-биле ажыл-агыйжы ужуражылганы эрттирген. Ол Тываның школаларында үндезин септелге талазы-биле федералдыг программаның боттандырыышкынын хууда хыналдага алганын дыңнаткан.
Мөңгүн-Тайга кожууннуң төвү Мугугр-Аксы суурнуң 1 дугаар школазынга бо чылын үндезин септелгени кылыр. Хүлээникчилер удавас ажылдап эгелээр.
Кызыл-Хая суурнуң школазының тудуунуң төлевилел-дөзевилел документилерин болгаш дилеп тывар чүүлдерни ажылдап кылган. Сайыт сумунуң база өөредилге чериниң удуртулгазы-биле школаның турар черин болгаш тудуунуң төлевилелиниң документилерин көрген. Кожуунче тудуг материалдарын чедирип алыры берге-даа болза, 2023 чылда Кызыл-Хаяның чаа школазының тудуу эгелээр.
Четыре бойца из Тувы приняли участие в первичном отбора программы «Время героев»
«Время героев» – это программа кадровой переподготовки для участников специальной военной операции.