ТР-ниң Дээди Хуралының Даргазы Кан-оол Даваа Кызыл хоорайның бир дугаар эдип-чазаар колониязының чанында кежээки школаның удуртукчуларын хүлээп алган. Директор Роман Ондар школаның сорулгаларының, чедиишкиннериниң болгаш келир үезиниң дугайында таныштырган.
Өөредилге чериниң, ооң башкыларының ажыл-ижин деткип турарын Кан-оол Даваа удуртукчуларга дыңнаткан. Эдип-чазаар черлерге ындыг өөредилге черлериниң албан турарын амгы байдал көргүзүп турар деп ол чугаалаан.
Кызыл хоорайның бир дугаар эдип-чазаар колониязынга 62 чыл бурунгаар кежээки школа ажыттынган. Бо чылдар дургузунда боттарының шииткел хуусаазын эрттирип турар 30 хар чедир назылыг эвээш эвес кижи ниити билиг дугайында аттестатты оон алган.
Амгы үеде кежээки школада 11 башкы ажылдап турар, оларның 5-и – дээди категориялыг.
Кежээки школаның удуртукчуларын хүлээп алган
20 сентября 2023
36