Ам бо хүннерде Украинаны нацистерден хостаар тускай шериг операциязы чоруп турда, ат-сураглыг совет чогаалчы, шүлүкчү, фронтучу журналист Константин Михайлович Симоновтуң "Жди меня"-«Мени мана» деп шүлүү база катап онзагай, тускай ужур-уткалыг кылдыр дыңналыр. Ол шүлүктү 1941 чылдың июль айда чогааткан, 1942 чылдың январь 13-те "Правда" солунга ону парлап үндүрген. «Правдага» үнгүжеге чедир Константин Симонов ол шүлүүн фронтуга шериг корреспондентилеп тургаш, дайынчыларга номчуп берип турган.
Константин Симонов бо шүлүктү ынакшаан херээжени, ат-сураглыг кино болгаш театр артизи Валентина Серовага тураскаадып бижээн. Бо шүлүк Төрээн чурт дээш тулчуп турган дайынчы бүрүзүнүң ынак шүлүү бооп арткан.
Шүлүктү делегейниң бежен ажыг дылдарынче очулдурган. А тыва дылче 1980 чылда чогаалчы, журналист Владимир Седипович Серен-оол очулдурган.
"МЕНИ МАНА"
Эглип кээр мен, мени мана,
Эчизинге чедир мана,
Сагыш-сеткил кударадыр
Чаъстыг өйде мени мана.
Харлыг хатта мени мана,
Кааңда-даа мени мана,
Өске улус уттупса-даа
Өжегерээн мени мана.
Херии черден бижээн чагаам
Келбезе-даа мени мана,
Хамык өөрүм чөгел төткеш,
Келбезе-даа мени мана.
Ээп кээр мен, мени мана,
Элек иргин түңнел кылып,
"Чеже манаар" соксап каг дээр
Сеткилдерге согугдан бер.
Айдың черде мени чок деп
Авам, оглум бүзүреп боор.
Өөрүм безин таакпылажып,
Өөмге чыглып келир магат.
Шак ол шакта адым адап,
Сактыышкынның доюн кылза,
Арага-даа амзавайн,
Амылыг деп мени мана.
Эрлик оран өжү кылдыр
Ээп кээр мен, мени мана.
Өлүмнү мээ хүрүмнээннер
Өлчейлиин! деп магадаай аан.
Канчап дириг артканымны
Хары улус кайын билир.
Эчис шынчы манаашкының
Эжиң мени камгалаан-дыр.
Өске кымдан артык кылдыр
Өскерлиш чок манап билген
