Росхереглелхайгааралдың Тыва Республика талазы-биле эргелелиниң болгаш Кадык камгалал яамызының сан-медээзи-биле алырга, эрткен неделяда Covid-19 хамчыындан ийи таварылга бүрүткеттинген. Амгы үеде дөрт аарыг кижи эмнедип турар.
Коронавирус хамчыынга удур коллективтиг иммунитет 29,3 хуу болуп турары – эвээш көргүзүг. Ооң уржуундан аарыгныӊ катап өөскүй бээриниӊ айыылы бар.
Боттуң болгаш чоок кижилериниң кадыкшыл байдалынче онза кичээнгейни салып, Covid-19 хамчыынга удур тарыдып база катап тарыдып алырынче чонну ТР-ниң Кадык камгалал яамызы биле Росхереглелхайгаарал кыйгырып тур.
Кызылда медицина албан черлеринде 24 тарылга кабинеди база дөрт көжүп чоруур тарылга пунктулары (“Беш сылдыс” болгаш “Курай-курай” садыг төптери, “Спутник” болгаш “Оң талакы эрик” микрорайоннарның медицина участоктары) ажылдап турар.
#Кадыккамгалал #Росхереглелхайгаарал #Коронавирус #Вакцинация #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
Коронавирус хамчыынга удур коллективтиг иммунитет 29,3 хуу болуп турары – эвээш көргүзүг
21 июня 2022
56