Росхереглелхайгааралдың Тыва Республика талазы-биле эргелелиниң болгаш Кадык камгалал яамызының сан-медээзи-биле алырга, апрель 15-21 хүннеринде Covid-19 хамчыындан 10 таварылга бүрүткеттинген.
Эрткен неделяда Кызыл хоорайда 6, Кызыл кожуунда – 3, Өвүр кожуунда 1 Covid-19 хамчыындан таварылгалар илереттинген. Он тос кижи эмнедип турар, оларның он бири чыдар эмнелгелерде.
Мөчээн таварылгаларның чылдагаанын тодарадыр комиссияның медээзи-биле алырга, 2022 чылдың январь 1-ден бо хүнге чедир 46 кижи Covid-19-тан хораан.
Тарылганың долу курузун 106273 кижи алган, а аарыгга удур коллективтиг иммунитет 50 хуу болуп турар.
Россия биле Моолдуң кызыгаарында эрттирилге пунктулары катап ажылдап эгелээн болганда, ол ийи чуртче кирер хамаатылар тарыткан турары албан дээрзин Росхереглел хайгааралының регион төвүнүң удуртукчузу база катап сагындырып турар.
Коронавирус талазы-биле эпидбайдал
25 апреля 2022
120