Кожуунунга туризмни сайзырадырынга үлүүн киирер дээш

Барыын-Хемчик кожууннуң Бижиктиг-Хая сумузунда ажыл-биле бот-хандыртынган сайгарлыкчыларның бирээзи – Херел-оол биле Байлак Сояннар. Олар социал керээге үндезилээн күрүне деткимчезиниң ачызында хууда ажыл-херээн ажыдып алырынче белеткел ажылдарын чорудуп турар.

Тывада кайгамчык бир эрте-бурунгу тураскаалдарның бирээзи – Кижи-көжээ. Ооң сиилбиттинген овур-хевири – холдарында езулал савазы туткан дайынчы ол. Көжээниң кулаа чок талазынга сымыранырга эки деп келген улус бүзүрээрлер. Өске регионнардан аян-чорукчулар бодап алган күзелдериниң боттанылгазын ук тураскаалдан дилеп алыр дээш хөйү-биле кээп турарлар.

Сояннар Бижиктиг-Хая дааның чоогунда ховуда ыдыктыг Кижи-көжээге келген чонга таарымчалыг байдалды тургузары-биле турскаалдыг черниң чанынга тыва өгнү тиккеш, аңаа изиг шайлыг болгаш амданныг аъш-чемниг шайлааракты ажыдар деп турар.

Бо хүнде сес ханалыг өгнү саткаш, иштин дерип, чугула херек чүүлдерин садып алганнар.

Социал деткимче алыкчылары кожуунунга турзимни сайзырадырынга үлүүн киирер дээш кызымакай ажылдаар сорулгалыг.