Хөй хүлээлгелиг төптүң ажылдакчылары аныяктарга «Пушкин картазын» бүрүткедиринге дузазын көргүзүп турар.
Тываның «Саяннар» национал хөгжүм болгаш танцы театрының ажылдакчылары база Хөй хүлээлгелиг төптүң специалистери аныяктарга ук картаны бүрүткедиринге, чагыдып алырынга дузазын көргүзер дээш, кады кожууннарже үнүп эгелээн. Олар баштай Бии-Хем кожуунга четкен. Эртен бөлүк Чеди-Хөл кожууннуң төвү Хову-Аксы сумузунче үнүптер.
«Пушкин картазы» программазынга киржирде, Күрүне ачы-дузазының порталынга бүрүткеткениниң дугайында бадыткал бижидилгелиг болур ужурлуг. Ында кижи бүрүзү бүрүткетпээн болганда, төптүң ажылдакчыларның дузазы чогуур үезинде болган.
«Пушкин картазын» 14-22 харга чедир аныяктарга тыпсып турар. Күрүне картаже 5000 рубльди шилчиткен. Ук акша-хөреңги-биле музейлерде, театрларда, кинотеатрларда, филармонияларда болуп турар солун оюн-көргүзүглүг хемчеглерни база делгелгелерни көрүп болур.
«Пушкин картазы» программаны чүгле чурттап турар регионунга эвес, а Россияның кайы-даа булуңунга аян-чорук үезинде ажыглаары көрдүнген.
Россияның Президентиниң эгелээшкини-биле эрткен чылдың сентябрь 1-ден «Пушкин картазын» ажыглалче киирген. Ону 4, 5 сая оолдар, уруглар ажыглаан. Программа боттаныышкынынче беш муң хире театр, кинотеатр, музей, филармония база библиотека коштунган.
#Культура #Пушкинкартазы #Хөйхүлээлгелигтөп #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
