Чадаананың драма театрының коллективи Кужугет Серээевич биле Александра Яковлевна Шойгуларның бажың-музейинче экскурсиялап чораанын театр дыңнаткан. Чаартынган музейни олар магадап, чоргаарланып көргенин демдеглээннер.
Эрткен чылын Тываның муниципалдыг музейлери «Культура» национал төлевилелдиң чорудуу-биле федералдыг деткимчени алган. Федералдыг музейлер даңзызынче Тываның Алдан-Маадыр аттыг Национал музейиниң төөгү болгаш чурт шинчилел салбыры болгаш Кужугет Серээевич биле Александра Яковлевна Шойгуларның бажың-музейи кирген.
Бо чылын Тываның Алдан-Маадыр аттыг Национал музейиниң техниктиг дерилгезинче федералдыг бюджеттен 15 сая ажыг рубльди аңгылаар.
«Культура» национал төлевилел-биле Тываның музейлери федералдыг деткимчени алган
16 января 2024
39