Республиканың туберкулезка удур диспансериниң флюорография машиналары Кызыл кожууннуң сумуларын эргип, чоннуң хөрээн шинчилеп турарын диспансер дыңнаткан.
Кожууннуң чурттакчылары сентябрь 27-ге чедир каа-хемчилер хөрек шинчилгезин эртип алыр аргалыг. Үезинде ФГ-шинчилгени эртип алыры, туберкулезту эге чадазында тодарадып, когун үзе эмнээринге дээштиг.
Баян-Кол сумузунуң 215 чурттакчызы (251 кижи шинчилге эртер ужурлуг), Терлиг-Хаяның 126 чурттакчызы (130 кижи шинчилге эртер ужурлуг), Шамбалыгның 78 чурттакчызы (89 кижи шинчилге эртер ужурлуг), Элегес-Аксының 238 чурттакчызы (432 кижи шинчилге эртер ужурлуг), Кур-Черниң 233 чурттакчызы хөрээн шинчилеткен.
Бо хүннерде флюорография машиналары Кара-Хаак болгаш Сукпак сумуларда ажылдап турар.
Кызыл кожууннуң чурттакчылары хөрек шинчилгезин эртип турар
26 сентября 2023
0