Совет Тываның 5 чылы аттыг стадионга ча адарынга Россия чемпионадының байырлыг ажыдыышкыны болуп эрткен. Чурттуң 20 ажыг регионундан 300 хире спортчу ча адарынга Россия чемпионадының тиилекчизи ат дээш үш хонуктуң дургузунда мөөрейлежир.
Тываның Баштыңы Владислав Ховалыг спортчу байырлалдың ажыдыышкынында, российжи деңнелдиг маргылдааның республикада эрттирип турары – спорттуң бо хевирин регионга сайзырадырынга база аныяк салгалга улуг бедиктерже идигни бээринге онзагай арга-дыр деп демдеглээш, маргылдааның киржикчилеринге чедиишкиннерни болгаш тиилелгелерни күзээн.
Ча адыкчылары команда аайы-биле чыскаалып эрткеш, тыва спорттуң бо чараш хевири-биле холбашкан культуразын болгаш төөгүзүн бараалгаткан концертти көргеннер.
Владислав Ховалыг Россияның ча адарынга чыынды командазының кежигүннеринге күрүне шаңналдарын тывыскан.
Кызылда ча адарынга Россия чемпионады эгелээн
9 июля 2024
17