«БТК групп» акционерлиг ниитилелдиң 2017 чылдан бээр Тываның эрге-чагыргазы-биле кады ажылдап турар. Ынчан Тыва Республиканың Чазаа биле «БТК групп» АН социал-экономиктиг кады ажылдажылга дугайында дугуржулгага атты салганнар. Ийи таланың киржилгези-биле 2018 чылдың мартта Тываның найысылалынга пөс-таавыдан продукция бүдүрер дааранылга цеги ажыттынган.
Тываның Чазааның мурнундан республиканың экономиктиг хөгжүлде болгаш үлетпүр сайыды Айдыс Сат бүдүрелгениң ажылдакчыларынга байыр чедирген.
– «БТК групп» компанияның Кызылда дааранылга цегин ажытканындан бээр беш чыл болуп турар.
Россияныӊ Камгалал яамызыныӊ чагыы-биле шериг кезектеринге идик-хеп, орун-дөжек херексели даарап турар «БТК групп» акционерлиг ниитилел Кызылда база бир чаа дарааныр цехти албан езузу-биле эрткен чылын ажыткан.
Арга-дуржулгалыг дыка хөй даараныкчылар бүдүрүлгениң ажыттынган хүнүнден бээр ында ажылдавышаан хевээр. Оларның ажылгырының база кызымааның ачызында дааранылга фабриказы бүдүрүкчү күчүзүн улгаттырып, бурунгаар хөгжүп турар. Тывага чиик үлетпүр бүдүрүлгезиниң бүрүн чаартылгазы регионну федералдыг деңнелче үндүреринге арганы тургузар – деп, сайыт чугаалаан.
Чоокта чаа эрткен Красноярскиниң экономиктиг шуулганының үезинде, Тываның Баштыңы Владислав Ховалыг база «БТК групп» акционерлиг ниитилелдиң чиңгине директору Андрей Подопригорин инвестиция төлевилелин кады боттандырар дугайында керээге атты салганнар.
Инвестиция төлевилели Кызыл хоорайда даарынылга фабриказының бүдүрүкчү күчүзүн, чиик үлетпүр бүдүрүлгезиниң хемчээлин улгаттырып, 350 чедир чаа ажылчын олуттарны ажыдарынга идигни бээрин ТР-ниң экономиктиг хөгжүлде болгаш үлетпүр яамызы дыңнаткан. Бүдүрүлгеде ортумак шалың төлевири – 40 муң рубль.
Министр обороны РФ поздравил командование и личный состав 55-й бригады за образцовое выполнение воинского долга
Министр обороны Российской Федерации, генерал армии Сергей Шойгу направил телеграммы соединению и воинской части, участвующим в специальной военной операции.