«Урянхай» мода агентилелиниң кижизиттирикчилери (удуртукчузу Юлия Хирбээ) биле Тываның даңгыназы – Оргаадай Кыргыс Кызылдың назылап-кыраан болгаш харык-шинээ кызыгаарлыг хамаатыларга дазылга бажыңының аалдап четкеш, чараш костюмнарлыг көргүзүүн бараалгатканын социал албан чери дыңнаткан.
Национал дизайнер хеп кеткен уругларның аян-шинчи болгаш салым-чаяан-биле долган көргүзүглери хамыкты магадаткан.
Оргаадай Кыргыстың саналы ук хемчегни организастаан. Чараш кыстар кырган-ачалар болгаш кырган-аваларга чигирзиг белектерлиг (торт, чимис…), арыгланыр херекселдерлиг четкен.
Дазылга бажыңының удуртулгазы аалчыларынга буянныг ажыл-херээ, хоочуннарже сагыш салыышкыны дээш четтиргенин илередип, моон-даа соңгаар чогаадыкчы чедиишкиннерни күзээн.
