Кызыл хоорайның школаларында хүндүскү лагерьлерниң үшкү ээлчээ ажыттынганын республиканың немелде өөредилге сайзырадыр төвү дыңнаткан. Сөөлгү ээлчегде лагерьлерге 560 бичии кызылчы дыштаныр.
Хоорайның 2, 9, 11, 12, 15, 18, 19 база 20 дугаарлыг школалары уругларны хүлээп алган. Олар август 20-ге дыштанырлар. А 21 дугаар лицейниң лагери июль 22-де ажылын эгелээн.
Лагерь бүрүзү уругларның дыштанылгазынга таарымчалыг онзагай программаларны тургускан.
Кызыл хоорайның өөредилге департаментизиниң дыңнатканы-биле алырга, чайгы дыштанылга үезинде уругларның айыыл чок чоруу бирги черде. Вожатыйлар тускай белеткелди эрткен.