Бөгүн Ада-чурттуң Улуг дайынынга Тиилелге хүнүнүң 80 чыл оюнга тураскааткан байырлыг чыскаал болуп эрткен.
Элээн каш чылдарда үзүктелген соонда «Өлүм чок полктуң» одуруу байырлыг чыскаалга эрткен. Аңаа чүгле Ада-чурттуң Улуг дайынының дайынчыларының салгалдары эвес, а тус чер дайынчы хөделиишкиннер киржикчилериниң, ол ышкаш тускай шериг операциязының дайынчыларының чоок кижилери киришкен.
Агата Соскар биле Асель Минчит-оол Тываның шылгараңгай херээженнериниң бирээзи, эки турачы, Маадыр ие Вера Байлактың уйнуктары. Фронтучунуң уйнуктары кырган-авазының чуруун бедик тудуп алгаш “Өлүм чок полктуң” одуруунга чоргаар базып эрткеннер.
“Май 9 – бистиң өг-бүлевиске улуг байырлал. Бис кырган-ававысты сактып чоруур болзувусса, ол чүректеривиске кезээ мөңгеде дириг артар. Бистиң маадырывыс 2010 чылда Москва хоорайның Кызыл шөлге Ада-чурттуң Улуг дайынынга тиилелгениң байырлыг чыскаалынга киржип турган. Кырган-ававыска чоргаарланыр бис. Тиилелге дээш четтирдивис, кырган-авай!” – деп, фронтучу энениң салгалдары чугаалаан.
Чылдар эрткен тудум, дайын-чааның чаңгызы ырап, 1940-1945 чылдарда Ада-чурт дайынының киржикчилериниң саны эвээжеп турар. Ынчангаш фронтучуларга хүн бүрүде хүндүткелди болгаш кичээнгейни сагыш-сеткилдиң ханызындан илередири онза чугула.
В Туве подходит к завершению вторая волна экзаменов по кадровому проекту «Герои Тувы»
Глава Тувы Владислав Ховалыг сообщил в своем блоге о том, что завтра, 15 мая, в республике завершается вторая волна экзаменов по кадровому проекту «Герои Тувы».