Бай-Тайга кожууннуң төп ном саңынга «Мөңгүлек» чечен чогаал болгаш ыры-хөгжүм каттыжыышкынының кежигүннериниң отчет-соңгулдалыг хуралы болуп эрткен.
«Мөңгүлек» чечен чогаал болгаш ыры-хөгжүм каттыжыышкынының 2022 чылда кылган ажыл-чорудулгазының түңнелдерин удуртукчузу Наталья Салчак илеткээн.
Оон аңгыда чылды түңнээн кежигүннерниң хуралынга чечен чогаал каттыжыышкынның тургустунганынга хамаарышкан төөгү чыынды номунуң үндүрүлгезинге белеткел ажылдарын, 2023 чылда чаа сорулгаларны салганнар. «Мөңгүлектиң» 40 чыл оюнга белеткел ажылдарының планнаашкынын база бо хуралга тургузуп, чугаалашкан.
2014 чылдан тура соңгулда болбаанын барымдаалааш, чечен чогаал каттыжыышкынның удуртулгазынга соңгулданы база чоруткан.
Бадылаашкынның түңнели-биле удуртукчузу кылдыр шүлүкчү, Тываның Чогаалчылар эвилелиниң кежигүнү Наталья Салчакты катап соңгуп алганнар. Оралакчызынга хоочун бижикчи Шеңне Куужаанны томуйлаан.
