«Мөңгүлектиң» ийи дакпыр байырлалы

Бай-Тайга кожуунга 1983 чылда тургустунган «Мөңгүлек» чечен чогаал болгаш ыры-хөгжүм каттыжыышкыны тургустунганындан бээр бо чылын 40 чыл ою.

База бир дакпыр байырлал – "Мөңгүлектиң" үндезилекчизи, шүлүкчү Каң-оол Салчакович Чүльдүмнүң 85 харлааны.

Ийи юбилейни белеткээри-биле кожуунда тургустунган организастыг комитеттиң ээлчеглиг хуралын кожуун чагырыкчызының социал политика талазы-биле оралакчызы Роберт Аракчаа биле культура эргелелиниң начальниги Сайын Күжүгет эрттирген.

Тээли сумузунуң Николай Өлзей-оол аттыг культура өргээзинге ийи дакпыр байырлалды апрель 14-те демдеглээр.