Мөңгүн-Тайга кожуун: 531 тонна тонна сиген-ширбиил арткан

Тываның Көдээ ажыл-агый яамызының дыңнадып турары-биле алырга, республикада мал кыштаглаашкыны чүгээр эртип турар.

Мөңгүн-Тайга кожууннуң шупту ажыл-агыйларында 4032 баш бода, 68571 баш шээр мал, 1667 баш чылгы, 7621 баш сарлык мал кыштаглаашкынче кирген. Оларның аразында 29020 баш боос хой, өшкү, 679 баш боос бе, 3648 баш боос сарлык бар. Кышты хүр ажар дээш 1386,8 тонна сиген-ширбиилди белеткээн. Бо хүнге чедир ооң 855,8 тонназы чарыгдаттынган, ам 531 тонна арткан.

Ыраккы Мөнгүн-Тайга кожуунга декабрь эгезинде улуг хар чаггаш, хадаанындан мал кыштаглаашкынын нарыыдаткан. Каргы сумузунда Серилиг-Дыттыг-Хем, Чолдак-Дыттыг-Хем, Суглуг-Ой, Ак-Баштыг, Сыралыг-Ой, Мешпек-Бут, Талдыг-Чарык, Каргы хемни куду тос турлагларже, Мөген-Бүрен сумузунуң Кара-Белдирде, Ак-Хөл өөжүнде, Үстүү-Кужурлуг-Ховузунда беш малчын аалдарже оруктарны үстүрүп, тырткан.