«Кадык камгалалы» национал төлевилел деткимчези-биле Тываның сес кожуунунуң медицина албан черлери дүрген эмчи дузазы чедирер 10 чаа автомашинаны алган.
Тываның Баштыңы Владислав Ховалыг чаа техникалыг болган эмчилерге байырын чедирип, аарыг кижилерге эмчи дузазының шынары экижииринге идегелин илереткен.
Мөңгүн-Тайга кожууннуң төп кожуун эмнелгезиниң автопарыгы дөрт дугаар автомашинаны алган. Мөңгүн-Тайганың берге оруктарынга техника дыка дүрген сандан үне бээрин кол эмчи Дугар-оол Хертек чугаалаан. Чаа автотранспорт бо барган дораан ажылче үнүптер. Кожууннуң чагырга чериниң даргазы Чойган Иргит мөңгүн-тайгажыларның мурнунда Тываның Чазаанга өөрүп четтиргенин илереткен.
Чаа автомашиналар аарыг кижилерни аргыштырарынга чугула дериг-херекселдер-биле четчелеттинген. В класстың «УАЗ» маркалыг автомашиналарын Таңды, Мөңгүн-Тайга, Тере-Хөл, Тожу, Өвүр, Чөөн-Хемчик, Чаа-Хөл база Сүт-Хөл кожууннарның төп эмнелгелеринче дамчыткан. Ийизин республиканың дүрген эмчи дузаның база айыыл-халаптар медициназының төвү алган.
«Кадык камгалалы» национал төлевилел боттанылгазы-биле Тываның чазаа республиканың медицина албан черлерин четчелеп дериир ажылды чорудуп турарын демдеглеп каалы.
Жители Тувы присоединились ко Всероссийской акции «Сад памяти»
Лесные инспектора Балгазынского лесничества успешно провели мероприятие по высадке саженцев берёзы и ели на территории памятника участников Великой Отечественной войны 1941-1945 годов и участникам СВ…