Мөңгүн-Тайга кожууннуң О.Ч. Чанчы-Хөө аттыг уругларның үлегер-майыктың төп ном санынга, Тываның сураглыг тоолчузунуң 130 харлаанынга тураскааткан чедиликте, "Мөнгүн-Тайгам тоолчуларын сактып ора..." деп сактыышкын-кежээзи болуп эрткенин ном саңы дыңнаткан.
Кежээге Мөңгүн-Тайганың тоолчуларының салгалдары база О. Чанчы-Хөөнүң уйнуктары киришкен. Ном саңынга тоолчуларның дугайында таныштырылгаларны көргүскен.
Ол ышкаш "Хүнчүгеш" уруглар садының улуг болгаш белеткел бөлүктериниң кижизиттирикчилери ном саңының аалчылары болган. Чаштарга О. Чанчы-Хөөнүң "Өскүс-оол" деп тоолун номчуп берген.