Национал школа хөгжүдер институт Адалар хүнү болгаш Тыва дыл хүнүнге тураскааткан мөөрейни чарлаан турган. Уруглар садтарында чаштар, школачылар, сургуулдар аразында ачаларга тураскааткан тыва дылда уран номчулга күүседир, шүлүк болгаш комикстер чогаадыр мөөрейге ниитизи-биле 300 ажыг киржикчи ажылдарын чорутканын институт дыңнаткан.
Мөөрейниң негелделери езугаар киржикчилерниң назы-харынга дүүштүр чарган: уруглар садтарының чаштарынга болгаш эге класс өөреникчилеринге – ачалар дугайында шүлүктерниң уран номчулгазының видеобижидилгелери; ортумак класстар өөреникчилеринге – комикстер; улуг класстар болгаш ортумак тускай өөредилгениң сургуулдарының аразынга – ача дугайында боттарының чогааткан шүлүктерин чоруткан турган.
Тыва филология лабораториязының ажылдакчылары түңнелдерни үндүрген. Шииткекчилерниң белен эвес ажылының түңнелинде, тус-тус чергениң тиилекчилери тодараан.
Тергиин комикстер – 1-ги черни Анастасия Чимит (Кызыл),
Саян Данзын (Шагаан-Арыг); 2-ги черни Иван Бараан (Ий); 3-кү черни Валерия Ооржак (Кызыл), Очур Тюлюш (Кызыл) чаалап алган.
Уран номчулга – 4-5 харлыг чаштар аразынга 1-ги черде
Сайдаш Арапчор (Хайыракан), Бады-Монге Кара-Монгуш (Мугур-Аксы), Нордуп Монгуш (Кызыл), Дариана Ондар (Кызыл), Дарьяна Кудурукпай (Чадаана), Анита Шалык (Кызыл).
6-7 харлыг чаштар аразынга 1-ги черни Ксения Ооржак (Кызыл-Мажалык), Наура Ооржак (Кызыл), Арья Ооржак (Кызыл), Даниэла Чигжит (Кунгуртуг) олар ээлээн.
Уран номчулга (эге школа) – 1-ги черде Айдаш Монгуш (Чадаана), Дарина Монгуш (Ак-Довурак), Евгения Намнан (Кызыл-Мажалык), Оргаадай Субакпут (Кызыл).
Тергиин шүлүктер – 5-7 класстар аразынга 1-ги черни Амиран Лопсан (Кызыл), Рустам Дажы (Республиканың уран чүүл школазы) олар тус-тузунда үлешкен.
Улуг класстар болгаш тускай ортумак өөредилге черлериниң сургуулдарының аразынга 1-ги черде Кенден Тас (Берт-Даг), Саглаш Шагаачы (Черби), Кудер Монгуш (Алдан-Маадыр).
