Маадырларны сактып чоруур болзувусса, олар кезээ мөңгеде дириг артар

Бөгүн, сактыышкынның болгаш кажыыдалдың хүнүнде, Бии-Хем кожууннуң Сесерлиг сумузунда школа чанының «Дамырак» хүндүскү лагериниң кижизиттирикчилери болгаш аныяк армейжилер бүгү-российжи «Сактыышкынның чулазы» деп акцияга каттышкан.

Ада-чурттуң Улуг дайынының коргуш-сыныш чок солдаттарының чырык ат-алдарынга шынчы болуп, оларның маадырлыг чоруунуң дугайында сактыышкынны келир үениң салгалдарынга арттырар ужурлуг бис.

Каржы-дошкун, аш-чуттуг, түрегделдиг дайын чылдарында амы-тынындан чарылган база бо хүнге чедир чурттап четтикпейн барган солдаттарывыска мөгейдивис. Бистер маадырларны сактып чоруур болзувусса, олар кезээ мөңгеде дириг артар.

#Сактыышкынныңболгашкажыыдалдыңхүнү #Бии_хемкожуун #Сесерлиг #Аныякармейжилер #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews